Azərbaycan millisinin yeni baş məşqçisi müəyyənləşdi

Azərbaycanın qadın idman gimnastikası üzrə yığma komandasının yeni baş məşqçisi müəyyənləşib.

Komanda.az Azərbaycan Gimnastika Federasiyasının saytına istinadən xəbər verir ki, yığmaya belaruslu Olqa Barkalava təyin olunub.

Barkalava 22 ildir ki, qadın idman gimnastikası üzrə məşqçilik fəaliyyəti ilə məşğul olur, son 6 il ərzində Belarus millisinin məşqçisi kimi fəaliyyət göstərib.

Təyinatından sonra verdiyi açıqlamada Olqa Barkalava öz təəssüratlarını bölüşüb:

“Yığma komandanın məşq etdiyi zalda oldum. Gimnastlarla tanış oldum. İdman gimnastikasının inkişafı üçün burda hər cür şərait var. Çox gözəl məşq zalıdır. Mənə göstərilən etimada görə çox minnətdaram və çalışacam ki, Azərbaycanın qadın idman gimnastları Avropa və dünya arenasında güclü rəqabət aparmaq bacarığına malik olsunlar”.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button