Azərbaycan millisi Avropa 3-cüsü oldu

Rumıniyanın paytaxtı Buxarestdə keçirilən güləş üzrə Avropa çempionatına yekun vurulub.

Komanda.az xəbər verir ki, qitə birinciliyində bir gümüş və iki bürünc medal qazanan yunan-Roma güləşi üzrə Azərbaycan millisi 76 xal toplayaraq, komanda hesabında 3-cü yeri tutub. 192 xalla Rusiya birinci, 132 xalla Türkiyə isə ikinci olub.

Avropa çempionatında 3 qızıl, 1 gümüş, 2 bürünc medal qazanan Azərbaycanın sərbəst güləş yığması da 3-cü yeri tutub. 1 qızıl, 3 bürünc medala sahib olan qadın güləşi üzrə Azərbaycan milli komandası isə 4-cü yerlə kifayətlənib.