“Ulduz”un Çempionlar Liqasındakı rəqibləri məlum oldu

İtaliyanın Vigevano şəhərində eşitməqüsurlu əlillərdən ibarət komandalar arasında yanvarın 21-dən 25-dək Çempionlar Liqasının oyunları keçiriləcək.

Komanda.az AFFA-nın saytına istinadən xəbər verir ki, turnirdə Azərbaycanı eşitməqüsurlu əlillərdən ibarət “Ulduz” futzal komandası təmsil edəcək. Püşkün nəticəsinə görə, B qrupunda yer alan təmsilçimizin rəqibləri İtaliyanın “Potenza”, Danimarkanın “Vikinq” və İspaniyanın “Qranada” komandaları olacaq.

“Ulduz” yanvarın 21-də Bakı vaxtı ilə saat 15:00-də “Vikinq”, saat 20:00-da isə “Qranada”, yanvarın 22-də saat 14:00-da “Potenza” komandası ilə qarşılaşacaq. Həmin gün 1/8, ertəsi gün 1/4, yanvarın 24-də isə yarımfinal mərhələsinin oyunları keçiriləcək.

Turnirin qalibi və üçüncü yerin sahibi yanvarın 25-də keçiriləcək oyunlarla müəyyənləşəcək.