AÇ-2020: Daha bir futbolçu ikinci dəfə ən yaxşı seçildi

AÇ-2020-nin C qrupu çərçivəsində keçirilən Niderland – Avstriya matçının ən yaxşı futbolçusu müəyyənləşib.

Komanda.az xəbər verir ki, Niderland yığmasının müdafiəçisi Denzel Dumfris bu görüşün ən yaxşısı seçilib.

Bu barədə UEFA-nın rəsmi saytı məlumat yayıb. 25 yaşlı futbolçu bu matçın 67-ci dəqiqəsində vurduğu qolla komandasının qələbəsində (2:0) əsas pay sahiblərindən birinə çevrilib.

Xatırladaq ki, Dumfris ilk turda Ukraynaya 3:2 hesabıyla qalib gəldikləri görüşdə də matçın ulduzu seçilmişdi. Daha öncə Belçika yığmasının hücumçusu Romelu Lukaku AÇ-2020-də iki dəfə matçın ən yaxşı futbolçusu elan olunub.

Qeyd edək ki, Denzel Dumfris hazırda Niderlandın PSV klubunun formasını geyinir.

Bizi Telegramda izləyin

Bizi Facebook-da izləyin

Əlaqəli yazılar

Back to top button