Rəhimov yenidən Milli Paralimpiya Komitəsinin prezidenti seçildi

28 sentyabr 2021-ci il tarixində Azərbaycan Respublikası Milli Paralimpiya Komitəsinin videokonfrans vasitəsilə ümumi yığıncağı keçirilib.

Komanda.az xəbər verir ki, Milli Paralimpiya Komitəsinin prezidenti İlqar Rəhimov iclası açıq elan edib və şəhidlərimizin əziz xatirəsi bir dəqiqəlik sükütla yad edilib. Daha sonra gündəlikdə olan məsələlər müzakirəyə çıxarılıb.

Milli Paralimpiya Komitəsinin baş katibi Kamal Məmmədov Azərbaycan Respublikası Milli Paralimpiya Komitəsinin 2017-2021-ci illər üzrə fəaliyyəti barədə hesabat məruzəsi ilə çıxış edərək bildirib ki, Tokioda keçirilən 16-cı Yay Paralimpiya Oyunlarında 14 qızıl, 1 gümüş, 4 bürünc medal qazanan Milli Paralimpiya Komandası yüksək nəticə göstərib. Bu uğurun davamı olaraq da 2024-cü ildə Fransanın Paris şəhərində keçiriləcək 17-ci Yay Paralimpiya Oyunlarına hazırlıqla əlaqədar Milli Paralimpiya Komitəsi tərəfindən görülən işlər haqqında geniş məlumat verib.

Ümumi yığıncaqda Tokio-2020 16-cı Yay Paralimpiya Oyunlarının mükafatçıları Milli Paralimpiya Komitəsinə üzv seçiliblər.

Yığıncaqda təşkilati məsələlərə də baxılıb. MPK-nin üzvlərinin səsverməsi nəticəsində İlqar Rəhimov yenidən Milli Paralimpiya Komitəsinin prezidenti seçilib. İlham Zəkiyev və Yaşar Hacıyev komitənin vitse-prezidenti, Kamal Məmmədov isə baş katibi vəzifələrinə seçiliblər. Yığıncaqda MPK-nin İcraiyyə Komitəsinin aşağıdakılardan ibarət yeni tərkibi də təsdiq edilib:

  1. Rəhimov İlqar Elxan oğlu – ARMPK-nin prezidenti, İcraiyyə Komitəsinin sədri
  2. Zəkiyev İlham Əzizağa oğlu – ARMPK-nin vitse-prezidenti, İcraiyyə komitəsinin üzvü
  3. Hacıyev Yaşar Fərəc oğlu – ARMPK-nin vitse-prezidenti Sumqayıt Paralimpiya İdman Komitəsinin direktoru, İcraiyyə Komitəsinin üzvü
  4. Məmmədov Kamal Cabir oğlu – ARMPK-nin baş katibi, İcraiyyə Komitəsinin katibi
  5. Sultanova Afaq Vaqif qızı –Cüdo üzrə Paralimpiya çempionu, İB-nin baş katibi, İcraiyyə Komitəsinin üzvü
  6. Kərimova Vüsalə Akif qızı – “Əlil İdmançılara dəstək” İB-nin baş katibi, İcraiyyə Komitəsinin üzvü
  7. Sadıxov Sadıx Asəf oğlu – “Neftçi” İK icraçı direktoru, İcraiyyə Komitəsinin üzvü
  8. Məmmədov Aydın Ağa oğlu – GİN-nin sektor müdiri, İcraiyyə Komitəsinin üzvü
  9. Behbudov Vüqar Şəfa oğlu – Sosial Xidmətlər Agentliyinin İdarə Heyətinin sədri, İcraiyyə Komitəsinin üzvü
  10. Kərimov Mehman Bayram oğlu – Milli Olimpiya Komitəsinin şöbə müdiri, İcraiyyə Komitəsinin üzvü
  11. Zeynalova Afaq Şakir qızı – Qış idman növləri federasiyasının ictimaiyyətlə əlaqələr şöbəsinin müdiri, İcraiyyə Komitəsinin üzvü
Bizi Telegramda izləyin

Bizi Facebook-da izləyin

Əlaqəli yazılar

Back to top button