Əliyevin komandasından elitada qalmaq yolunda vacib qələbə

Futbol üzrə Rusiya Premyer Liqasında mövsümü 16 komanda arasında 14-cü pillədə başa vuran “Ufa” klubu bu gün elitada qalmaq uğrunda ilk pley-off matçına çıxıb.

Komanda.az xəbər verir ki, azərbaycanlı futbolçu Azər Əliyevin formasını geyindiyi sözügedən komanda doğma meydanda 1-ci liqanı 3-cü pillədə başa vurmuş “Tom”la üz-üzə gəlib.

Futbolçumuzun komandası bu oyundan inamlı qələbə ilə ayrılıb – 2:0.

Azər bu görüşün iştirakçısı olmayıb. O, sonadək ehtiyatda qalıb.

Bu komandalar arasındakı cavab görüşü iyunun 2-də Tomsk şəhərində baş tutacaq. Qalib gələn növbəti mövsüm Premyer Liqada, məğlub tərəf isə 1-ci liqada mübarizə aparacaq.